Elèv ki etidye boza pa sèlman kiltive aktivite atistik; yo ap trase yon chemen pou yon pi bon avni. Patisipe nan etap oswa lòt eksperyans, repetisyon ak lòt eleman nan boza ede timoun ak jèn devlope yon varyete de ladrès ki pral itil byen nan adilt ak pandan tout lavi yo.
Rechèch afime ekspozisyon atistik redwi chans kite lekòl ak rann pi bon siksè akademik. Yon etid National Endowment of the Arts ki gen tit "The Arts and Achievement in At-Risk Youth" te jwenn dapre etid la "Adolesan ak jèn adilt ki gen yon sitiyasyon sosyoekonomik ba ki gen eksperyans patisipasyon atistik apwofondi montre pi bon rezilta akademik pase jèn ki patisipe mwens nan atizay." “Sa montre tou yo vin gen pi bon nòt ak plis chans ale nan kolèj epi reyisi.
Nan "How the Performing Arts Benefits Kids, (Jan Pèfòmans Boza Benefisye Lajenès)" Scholastic.com deklare timoun ki chante, danse, pèfòme, oswa jwe enstriman gen kat fwa plis chans yo idantifye yo pou siksè akademik. Men, benefis yo al pi lwen pase lwanj; yo ka amelyore devlopman kognitif, motè, ak sosyal.
Menm si avantaj ki genyen lè timoun ak jèn fè eksperyans atizay, sa pa toujou vle di ap toujou gen opòtinite pou paran yo enskri pitit yo nan pwogram yo.
Erezman, nan Konte Miami-Dade gen anpil pwogram gratis oswa a pri ba ki gen aspè pèfòmans atizay. Mizik, dans, dram, pwezi ak plis pèfòmans atizay ki fè pati anpil pwogram The Children’s Trust finanse. Paran yo ka chèche pou yo nan paj “Find A Program” nan sitwèb TheChildrensTrust.org/Find-A-Program.
Pandan pwogram yo ka nouri ak ede devlope talan nan pèfòmans atizay, se pa tout enèji kreyatif ak imajinasyon ki limite nan anviwònman sa yo. Anpil timoun nou yo gen talan natirèl e pi souvan yo sèlman bezwen yon kote ou yon debouche pou montre yo. Opòtinite a rive ak 14yèm ane konkou talan Young Talent Big Dreams.
Actors’ Playhouse nan Miracle Theatre, ansanm ak patwonè prezantatè The Children’s Trust, fèk anonse konpetisyon 2024 la ki pral kòmanse fè odisyon an Mas. Se pi gwo konpetisyon talan lajenès GRATIS nan Konte Miami-Dade.. Ane pase, plizyè santèn konpetitè te patisipe nan sis odisyon ki te fèt nan tout konte a. Patisipasyon an gratis men limite selman pou moun ki abite Konte Miami-Dade.
Konpetisyon an ap gen yon total de sis kategori endividyèl: vokalis pop/rock/rap, teyat mizikal/estanda djaz/vwa klasik, dans, enstriman mizik, pawòl orijinal ak konpozisyon oral orijinal ak/oswa enstrimantal. Nan kategori gwoup yo (sis manm oswa mwens), ap gen enstriman, gwoup mizik ak gwoup vokal.
Atizay ak pèfòmans boza se yon pòtay anvè ekspresyon, ki ouvri chemen kote pawòl ka pa rive ofri. Artsfairfax.com mete aksan sou enpak pwofon atizay fè sou devlopman yon timoun. Lè rido a leve nan konkou talan Young Talents Big Dreams ane sa a, paran timoun ki renmen pèfòme ka espere yon vwayaj dekouvèt pèsonèl, kreyativite ak kwasans.