Enpak nou an

Local Property Taxes, Lasting Impact, The Children's Trust

Taks sou pwopriyete lokal. Timoun lokal. Enpak lokal.

Depi prèske 25 lane, The Children's Trust envesti lajan taks pwopriyete votè apwouve nan pwogram ki ede timoun ak fanmi atravè Miami-Dade jwenn yon pi bon avni.

Pou mwens pase $7 pa mwa pou yon pwopriyetè kay mwayèn, nou finanse plizyè santèn pwogram kominotè nan plis pase 2,000 lokal nan tout konte a. Pwogram sa yo bay plis timoun ak fanmi aksè a bon jan kalite gadri, pwogram apre lekòl ak pwogram vakans ete ki ofri aktivite lekti STEM, espò ak atizay, swen sante nan lekòl, sipò paran ak sèvis familyal nan katye yo.

Sa ki te kòmanse an 2002 kòm yon angajman kominotè pou timoun tout laj vin tounen youn nan pi gwo resous lokal nan Florida pou timoun, depi yo te fèt jouk yo antre nan laj jèn adilt. Se yon envestisman kap ede bati yon avni miyò pou Miami-Dade.

Amannman 3:

Enplikasyon pou Timoun, Fanmi, ak Envestisman Kominotè

Resime enfòmatif sa a eksplike enpak potansyèl ki ka rive si Amannman 3 pase an Novanm. Plis pase 90% nan bidjè The Children's Trust dedye a sèvis dirèk, Amannman sa pral gen enpak sou disponiblite pwogram entèvansyon bonè, gadri siperyè kalite pou timoun, pwogram apre lekòl ak pwogram aprantisaj, estaj pou lajenès pandan lete, sèvis sante lekòl, sipò levasyon timoun, ak/ou asistans fanmi an kriz.

Pwonostik Enpak Finansye

Projected Financial Impact: Year 1 (2027-2028) with $150K Homestead Exemption, $18,700,000; Year 2 (2028+) with $250K Homestead Exemption, $33,500,000

Responsablite Anvè Kontribyab

Ajans The Children's Trust finanse dwe swiv pwosedi responsablite ak rapò strik ki asire transparans. Pèfòmans pwogram yo revize chak jou, vizit sou plas fèt regilyèman, epi yon revizyon fiskal fèt chak mwa pou asire itilizasyon responsab lajan kontribyab yo. Efò sa yo patikilyèman enpresyonan lè nou konsidere depans administratif rete nan yon nivo ba a 5.6% nan bidjè aktyèl la. The Children's Trust resevwa Sètifika Reyalizasyon Ekselans Rapò Finansye nan men Asosyasyon Ofisye Finans Gouvènmantal (GFOA) pandan 13 lane konsekitif.

Bidjè ak priyorite finansman The Children's Trust etabli pa yon konsèy administrasyon volontè endepandan ki gen 33 manm ki reprezante lidè atravè Miami-Dade, ak manm Lwa Leta Florid chwazi.

Pri Pwopriyetè Kay Dwe Peye

Pri mwayèn anyèl pwopriyetè kay ki gen egzanpsyon pwopriyete dwe peye se $83.04, ou mwens pase $7 pa mwa.Sa a baze sou to milaj aktyèl lane fiskal 2025-26 ki se 0.4638 (anba maksimòm 0.5000 la).