Le 2 Out, Expo Fanmi The Children's Trust la te tounen nan lokal Fwa ak Expozisyon Konte Miami-Dade la, e fanmi yo te soti an fòs pou pwofite de li. Plis pase 5,200 paran, moun k ap pran swen timoun, ak timoun yo, te patisipe nan evènman ane sa a ki montre wòl Expo an kòm youn nan tradisyon retou lekòl ki enpaktan e ke yo vreman apresye nan Miami-Dade.

Expozisyon an te ofri yon espas inik pou fanmi yo te ka prepare pou nouvo ane lekòl la. Te gen tout bagay, soti nan sakado ak founiti lekòl gratis rive nan egzamen sante ak enfòmasyon sou plis pase 100 pwogram ak sèvis kominotè. Pandan paran yo te konekte ak founisè ki ofri swen apre lekòl, sèvis pou andikape, konsèy nitrisyon, ak plis ankò, timoun yo te jwi yon atmosfè amizan tankou pentire figi, atis balon, jwèt, epi yon estrad ak pèfòmans an dirèk, epitou animasyon pèsonaj.

James R. Haj, prezidan ak PDG The Children's Trust di "Family Expo a plis pase yon evènman pou retounen lekòl; li konekte paran ak fanmi yo, ak tout sa pitit yo bezwen pou reyisi," "Lè nou mete sèvis sante ak pwogram asistans ansanm nan yon sèl kote, n ap transfòme preparasyon pou retounen lekòl an yon eksperyans inik ki pi senp e ki pi konplè pou fanmi yo."

Expozisyon ane sa a make premye retou konplè nan Lokal fwa a depi anvan COVID-19 te fòse chanjman fòma evènman an. Ni anndan ni deyò, timoun, lajnès ak fanmi yo te pwofite de resous ak aktivite gratis. Inite Mobil Jessie Trice te fè egzamen sante, pandan ke "Seals on Wheels" Depatman Sante Florid la te ofri sèvis dantè, epi Bibliotèk Mobil Konte Miami-Dade la te ofri anpil plezi literè bay patisipan yo. Kamyon manje yo te sou teren an pou bay vizitè yo opsyon plat manje.

Pou yon twazyèm ane, The Trust asosye ak Uber pou ofri kous an rabè pou fanmi pataje si yo bezwen transpò, epitou elimine youn nan pi gwo baryè ki anpeche patisipasyon. Evènman an te posib gras a sipò jenere Patwosinadè klasifye kòm Nivo Lò EdFed Credit Union, UHealth Jackson Children's Care, ak Nicklaus Children's Hospital; ansanm ak Patwosinadè nivo Ajan tankou Baptist Health, The Miami Herald ak El Nuevo Herald, epi Uber.

Pandan ete a, The Trust distribye plis pase 6,600 sakado nan evènman Family Expo a ansanm ak Pop-Up Expo li yo, ki te ofri de evènman davans nan Charles Hadley Park nan Liberty City ak nan River Cities Back-to-School Resource Fair nan Miami Springs.

Pou gade foto Family Expo a, klike la a .