Ak kòmansman ane lekòl la, se yon bon moman pou paran ak moun k ap pran swen timoun ede yo devlope abitid ki an sante. Youn nan jan pi enpòtan se rete aktif. Aktivite fizik regilye pa sèlman kenbe timoun an sante, men li ranfòse konfyans, konsantrasyon, ak atitid yo tou.

Gen kèk timoun ki natirèlman renmen espò. Se yo menm k ap kouri dèyè boul nan pak la oswa k ap enskri nan chak espò lekòl la ofri. Pou lòt moun, vin aktif ka mande plis ankourajman. Bon nouvèl la? Kèlkeswa pozisyon pitit ou, gen fason senp pou fè aktivite fizik vin fè pati lavi chak jou.

Kilè pou kòmanse

Li pa janm twò bonè pou fè timoun yo bouje. Tibebe devlope fòs ak kowòdinasyon lè yo woule, trennen, ak jwe. Ofiramezi timoun yo ap grandi, yo benefisye de jwèt ki pa estriktire tankou kouri nan lakou, monte bisiklèt, oswa voye yon boul.

Akademi Ameriken pou Pedyatri rekòmande tann omwen jiska laj 6 an pou fè espò òganize. Anvan sa, konsantre sou jwèt ki devlope konpetans debaz tankou voye, kenbe, oswa choute. Se aktivite byen bonè sa yo ki kreye fondasyon pou fè espò pita.

Yon sèl espò oubyen plizyè?

Paran souvan mande tèt yo si timoun yo ta dwe konsantre sou yon sèl espò oubyen eseye plizyè. Repons lan depann de pèsonalite, enterè, ak nivo konfò pitit ou.

Pou anpil fanmi, li pi bon pou eseye diferan aktivite. Selon US Center for Safe Sports , eseye plizyè espò, sitou sa ki kout, sezonye ki ede timoun dekouvri sa yo vrèman renmen. Varyete yo amizan epi diminye risk yo bouke ak youn, oswa blesi akòz twòp itilizasyon.

Etid montre timoun an mwayèn kite espò òganize lè li gen 11 lane, souvan paske "li pa amizan ankò." Sijere opsyon ki ankouraje timoun rete motive pou fè aktivite. Li bon si pitit ou jwenn yon espò li renmen epi li vle konsantre sou li. Jis asire w eksperyans lan rete pozitif ak ekilibre.

Kote Pou Jwenn Aktivite

Gen anpil opsyon abòdab pou ede pitit ou kòmanse bouje. YMCA lokal yo, pwogram konte a , ak lig kominotè ofri foutbòl, baskètbòl, bezbòl, dans a yon pri ba oswa gratis.

Foutbòl se youn nan espò ki pi popilè pou timoun kòmanse, epi isit la nan Miami-Dade, li vin pi aksesib gras a The Children's Trust. An patenarya ak U.S. Soccer Foundation e Griffin Catalyst, The Trust lanse Miami-Dade Soccer Initiative ki deja louvri plizyè mini-teren foutbòl ansekirite atravè konte a. Rive nan 2026, inisyativ la se louvri 50 lòt teren konsa, transfòme espas vid an sant plezi, kondisyon fizik, ak koneksyon kominotè.

Pwogram apre lekòl ak pwogram ete The Children's Trust finanse se bon jan pou kenbe timoun aktif. Sòti nan espò rive nan dans ak aktivite ki baze sou kondisyon fizik, pwogram sa yo bay opòtinite fè egzèsis chak jou, espesyalman pou fanmi ki gen resous ekonomik limite. Tcheke 211miami.org/AfterSchool oubyen TheChildrensTrust.org/FindAProgram pou jwenn yon pwogram toupre w.

Fè Aktivite Yon Pati Chak Jou

Pandan fè espò byen bon, rete aktif pa toujou vle di rantre nan yon ekip. Fanmi ka entegre mouvman nan woutin kotidyen yo ak aktivite senp e gratis:

• Pwomnen Ansanm Lèswa.
• Ale nan yon pak lokal epi jwe lago oubyen voye boul.
• Transfòme tach nan kay ou an jwèt, tankou kalkile tan lap pran chak timoun fè netwayaj.
• Fè konpetisyon dans nan salon an fanmi.

Kle a se konsistans. Menm 30 a 60 minit aktivite chak jou ka fè yon gwo diferans nan sante ak byennèt pitit ou.