Tout kamarad klas pitit fi w la nan klas sizyèm oswa depi katriyèm lane sanble yo gen yon pòtab entelijan epi li toujou ap mande w ansanm ak bondye teknoloji pou youn. Pitit gason w antre nan lekòl presegondè epi li deklare pòtab la se yon kondisyon pou siksè akademik. Pandan apeprè mwatye nan timoun Ozetazini posede yon pòtab entelijan depi 11 lane, èske pitit ou vreman pare pou yon aparèy adiktif sa a menm pou paran? Anvan w pran yon desizyon, konsidere nivo responsablite l pou detèmine si li pare.

Ranvwaye, Achte oswa KonpwomiRanvwaye, Achte oswa Konpwomèt: Nan atik "Èske pitit mwen pare pou yon pòtab entelijan?" Clevelandclinic.org , ekri, pedyat David Hornick konseye paran rete tann jiskaske timoun yo gen 12-14 lane, tou depann de nivo matirite ak angajman nan leson, espò oswa lòt aktivite adisyonèl.

Pou moun ki sòti nan karate rive nan foutbòl, li ka ranfòse konfyans yo si yo kapab kontakte paran yo. Dòk la di "Si pitit ou a gen aksè fiks a entènèt lakay li ak nan lekòl la, epi lap swiv règ itilizzasyon zouti sa yo, chans pou yo sèvi ak yon pòtab entelijan vreman wo,". "Pou timoun ki poko gen 12 lane, oswa timoun ki pase anpil tan lakay yo epi ki pako fin endepandan, yon telefòn nòmal ki jis pèmèt yo rele oswa voye tèks ka pi bon jiskaske yo vin pi gran oswa sòti lakay yo pi souvan."

Atik "Premye telefòn pitit ou: èske yo pare?" healthychildren.org ekri, ensiste sou enpòtans kapasite yon timoun pou reflechi anvan l aji. Pou sa ki pako pare, pòtab entelijan ka dekouraje lòt aktivite tankou konvèsasyon fas a fas, devwa, espò, ak dòmi. "Èske yo bezwen èd ou pou pran bon desizyon oswa èske ou fè jijman yo konfyans lè yo pa sipèvize? Sa a vin enpòtan pou konsidere dè ke yo gen aksè a entènèt, mesaj tèks, ak aplikasyon rezo sosyo, epi yo ka fasilman di oswa pibliye bagay sou entènèt yo ka regrete."

Pase Egzamen Selilè a: Yon zouti 10-kesyon sou preparasyon pou telefòn selilè bay rezilta, pwochen etap, ak resous pou aktive anviwònman kontwòl pou paran. Pou moun ki pa pare, konsidere yon selilè debaz oswa pou sekirite, yon mont pou kominike anka ijans. Oswa ede timoun yo konekte yon lòt jan ak zanmi atravè aktivite ekstra skolè, konvèsasyon sou videyo oswa mesaj tèks sou iPad, oswa tablèt elektwonik. Children's Trust ofri yon gid sou pwogram lokal apre lekòl ak kan pou anrichisman ak devlopman sosyal.

Common Sense Media bay lòt kesyon pou konsidere tankou si timoun nan gen tandans pèdi bagay oswa suiv enstriksyon. Èske yo bezwen l pou yon rezon sekirite oswa li pral ede yo sosyalman? "Jiska ki pwen yo pral swiv limit ou etabli, ki lè, ki kote, ak konbyen tan yo ka itilize telefòn yo?"

Kreye yon plan telefònik pou fanmi an: Doktè Hornick sijere paran pèmèt timoun itilize pa plis pase de platfòm epi etabli zòn kote itilizasyon telefòn entèdi. Èske pitit ou ka nan yon dine nan restoran san li pa gade Instagram? " Pou youn rann lòt responsab kreye davans yon kontra ansanm ki gen règ ak atant konsènan pòtab entelijan," Li konseye. " Chita ansanm epi asire w pitit ou konprann bagay sa yo ap ede w pran desizyon pèmèt li gen yon pòtab entelijan ou pa."

Cleveland Clinic konseye paran apre yo fin pèmèt timoun nan gen yon telefòn, yo dwe kontinye ranfòse limit pou danje ki genyen nan voye tèks ou imaj eksplisit ak kominikasyon ak etranje. Dr Hornick di "Paran dwe konnen sa kap pase epi fòk yo pare pou jere sitiyasyon ki rive."

Etabli Pwen Referans:Healthychildren.org konseye w pale ak timoun nan sou responsabilite sosyal dijital epi kreye referans ki montre konpòman an sirte ak jantiyès sou nouvo aparèy la. Kijan pitit ou pral reponn lè yon tèks an gwoup ap ensilte yon kondisip klas? Epitou sèvi ak kontwòl parantal, configirasyon, filtè, ak lòt zouti dijital disponib. Epi bay egzanp modération pòtab entelijan w. Li di “Konfigire yo ansanm ak pitit ou epi eksplike rezon ki dèyè limit ak kontwòl ou chwazi pou telefòn li. "Lè pitit ou montre plis responsablite, li ka jwenn plis endepandans ak mwens kontwòl."